«Кыюлык һәм иҗат белән сугарылган кием» - Тинчурин театры үз коллекциясен чыгарган

Тинчурин театры «яңа сулышы»ы тагын да ныграк сизелә, театр үз кием коллекциясен булдырган.

«Яңа сулышның яңа йөзе! Быел Тинчурин театры иҗади кыюлыгы белән аерылып тора. Тагын нинди «мөгез» чыгарган инде болар дисезме?! «Мөгез» чыгармадык, театрның үз коллекциясен булдырдык.

Бу мерч та түгел. «Спектакль истәлеге» дә түгел. Бу - кыюлык һәм иҗат белән сугарылган кием. Авыл кайтавазы ишетелгән, әмма югары зәвык белән эшләнгән. Традицияләре булган, әмма замана белән бергә атлаган. Тыйнак, әмма үз характеры булган яңа коллекциябезне тәкъдим итәргә ашыгабыз», – дип хәбәр итәләр социаль челтәрдә.

Тинчурин театры коллекциясен тәкъдим итү 26 апрельдә булачак.