Кыяр утыртканда туфракка кайнар су сипсәң, орлыклар икенче көнне үк шытып чыгачак, дип язалар киңәшләр сайтында.
Рассадага кыяр утыртканда, савытларга көпшәк субстрат салыгыз һәм аны чылатыгыз.
Грунт әзер булгач, аңа кап-кайнар су сибегез. Шуннан соң тиз генә туфракка орлыкларны яны белән яткырып тезеп чыгыгыз. Өстенә бераз туфрак сибегез.
Аннары савытны пленка белән каплап, җылы урынга куегыз. Беренче шытымнар чыккач, пленканы алып ташлагыз.
Әгәр кыярны турыдан-туры урамдагы туфракка утыртсагыз, кайнар суны шулай ук кулланыгыз. Бу очракта кайнар су күбрәк кирәк булачак. Түтәлнең һәр бер метрына биш литр сыеклык саласы була.
Туфрак суынганчы, орлыклары тезеп чыгыгыз. Түтәл өстенә пленка каплагыз, диелә хәбәрдә.