Кыярлар мул уңыш бирсен өчен төп шарт – фосфор. Ул тамыр системасын ныгыта, чәчәк атуны, җимешләрнең өлгерүен тизләтә. Күпләр химик ашламалар куллана, әмма табигый юл белән дә шул ук нәтиҗәләргә ирешеп була. Мәсәлән, балык башларыннан ясалган төнәтмә – бу ысулны күптәннән бакчачылар куллана, һәм аның нәтиҗәлелеге раслаган, дип язалар киңәшләр сайтында
Нигә нәкъ менә балык төнәтмәсе?
Балык башларында:
- үсемлекләр өчен җиңел үзләштерелә торган табигый фосфор бар;
- яшел масса һәм бөре үсешен стимуллаштыра;
- кыярларның иммунитетын арттыра – чирләргә, суык-җылыга чыдамрак була.
Рецепт
Кирәк булачак:
- 0,5 кг балык башы (теләсә нинди – елга яки диңгез балыгы ярый);
- 10 литр су.
Әзерләү ысулы:
- Балык башларын чиләккә салып, өстенә 10 литр су коярга.
- Җылы урында 3 көн төнәтергә. Шушы вакытта суга фосфор һәм башка микроэлементлар күчә.
- Төнәтмә болганчык төскә керә, үзенә хас ис чыгара – бу нормаль күренеш.
Ничек кулланырга?
- 0,5 литр төнәтмәне 10 литр суга кушарга;
- Һәр үсемлеккә 1 литр күләмендә, тамыр төбенә генә сибәргә;
- 2 атнага 1 тапкыр куллану җитә;
- Иң яхшысы – иртән яки кич сибәргә, кояш кыздырган вакытта түгел.
- Нәтиҗәсе 5-7 көннән соң ук: кыярлар актив үсә башлый;
- Бөреләр саны арта, кыяр күбрәк була;
- Җимешләр сусылрак була.
Кисәтү
- Әгәр үсемлекләр яңа гына күчереп утыртылган яисә көчсез икән – төнәтмәне кулланырга иртәрәк.
- Исе нык булмасын өчен, 2-3 аш кашыгы агач көле өстәргә мөмкин.
Балык башлары булмаса нишләргә?
- Сөяк оны – 100 г онны 10 литр суда төнәтеп, 1 тәүлектән соң сибәргә.
- Агач көле – 1 стаканны 10 литр суга салып, 10 көнгә бер тапкыр сибәргә.
Балык төнәтмәсе – кыярлар өчен экологик һәм бюджетлы фосфор чыганагы, диелә бу хәбәрдә.
