Кыяр рулеты
Кыяр рулетлары кабымлыгы рецептын тәкъдим итәм. Эчлеген үзегез теләгәнчә дә ясый аласыз.
Бу кабымлык өчен озын кыярлар кирәк булачак. Аларны юарга, кипшетергә һәм махсус пычак белән озынча итеп кисәргә. Кыяр тасмалары юка булырга тиеш, югыйсә рулет итеп төргәндә сыначак.
Мин ике төрле эчлек ясадым. Беренче эчлек: сыр, сарымсак, укроп, майонез. Икенче эчлек: краб ите яки таякчыклары, йомырка, майонез.
Кыяр тасмасына эчлек салырга һәм рулет итеп төрергә. Кыярның суы чыгу сәбәпле, табынга чыгарганда рулетларны икенче тәлинкәгә күчерергә кирәк.