«Кыяр өчен кулыңны сындырды инде» — Салават Миңнеханов суыткычларын ачып күрсәтте
Җырчы тозлы кыяр ашарга тилмерә.
Салават Миңнеханов инстачыларга суыткычларын ачып күрсәтте. Җырчы андагы банкадагы тозлы кыярга кызыккан.
«Гел бу банкага күз төшә. Акылдан язарлык матур. Кыярлар матур итеп тутырылган. Әнисе, нишләп ашамыйбыз соң без бу тозлы кыярны?! Кунаклар… Шушы банканы ачар өчен нинди кунаклар килергә тиеш соң?» — дип сөйләнә җырчы.
«Шул банканы алып, безгә кунгакка кил әле. Икәү ашарбыз», — дип язган Булат Бәйрәмов.
«Шул кыяр өчен кулыңны сындырды бит инде, тынычлан инде», — дип шаярткан берсе.
Инстачылар үз кыярларын алып, кунакка да килергә әзер булулары хакында язган.
Салават Миңнехановның кулын сындыруы турында язган идек.