Свердловск өлкәсендә 11 яшьлек малай Урал тауларында кыядан егылып төшкән. Бала хастаханәдә үлгән. Бу турыда РЕН ТВ каналы төбәк буенча Тикшерү идарәсе җитәкчесенең өлкән ярдәмчесе Александр Шульгага сылтама белән хәбәр итте.
Фаҗига язын Югары Тура шәһәрендә була. Бала кыядан егылып төшә, ул аркасына егыла һәм җитди имгәнә.
Баланы хастаханәгә алып китәләр. Табиблар аның гомерен саклап калу өчен берничә ай көрәшә. Ләкин, кызганычка, ул хәзер вафат булган.
Төбәк полициясе бу вакыйганы «бәхетсезлек очрагы» дип бәяләгән. Тикшерү эшләре бара, аннары процессуаль карар кабул ителәчәк, диелә хәбәрдә.
