Кышкы сарымсак үстерү сере: «Чәчәк атып бетергән бәрхет гөлләрне ташламагыз!»

«Чәчәк аткан бәрхет гөлләрне һич ташламыйм» – киңәшләр сайтында агроном кышкы сарымсактан зур уңыш алу серен сөйләде.

Тәҗрибәле бакчачылар чәчәк атып беткән бәрхет гөлгә көтелмәгән кулланылыш тапкан. Компостка салу урынына бу үсемлекләрне кышкы сарымсак утыртылачак җирне яхшырту өчен файдаланырга була. Әлеге ысул берьюлы берничә мәсьәләне хәл итә: культураны авырулардан саклый һәм туфракны файдалы матдәләр белән баета.

Бәрхет гөлнең файдалы үзлекләре:

• табигый фитонцидлар бар, алар туфрактагы гөмбәчекләрне бетерә;
• сарымсакның төп корткычлары булган нематодаларны куркыта;
• таркалганда, туфракны азот һәм калий белән баета;
• туфракны яхшырта, аны йомшак итә.

Куллану кагыйдәләре:

• шиңгән үсемлекләрне кисеп, бераз киптерергә;
• сабак һәм чәчәкләрне вакларга;
• бу массаны рәтләр арасында яки буразналарда күмәргә.

Ысулның өстенлекләре:

• химик ашламаларны куллануны киметә;
• сарымсакның тишелешен 15-20%ка арттыра;
• зур башлар формалашуга ярдәм итә;
• туфракны табигый юл белән яхшырта.

Агроном сүзләренчә, бу ысул аеруча кышлык сарымсак өчен нәтиҗәле. Үсемлекләр кышны яхшырак үткәрә һәм язын актив үсә башлый. Бәрхет гөл калдыклары яңа сезон башына тулысынча таркалып бетә һәм түтәлләрне эшкәрткәндә һичбер проблема тудырмый, диелә хәбәрдә.