Кышын машинада кондиционерны эшләтү ни өчен кирәк?

Машинада климат-контроль системасы җәй көне суыту өчен генә түгел, ә кышын да кирәк. Бу турыда Sputnik радиосына интервьюда автоэксперт Владимир Соловьев сөйләгән.

Машина салонында температураны көйли торган җайланма — климат-контроль системасын күпләр кондиционер дип атый. Кышын ул тәрәзә пыялалары парланмасын өчен эшләргә тиеш. 

«Машинада кондиционер яки климат-контроль җәен дә, кышын да эшләргә тиеш. Бу система җәен температураны төшерү, кышын күтәрү өчен генә түгел, ул һаваны да киптерә. Һава коры булса, машина тәрәзәләрендә пар булмый, күз күреме яхшыра», — ди эксперт.

Кышын аяк киеменә ияргән кар салонга керә, аннары эри һәм дымлылыкны арттыра. «Дымлылык зур булса, руль да шуып йөри башлый. Бу куркыныч та, рәхәт тә түгел», — ди Соловьев.

Ул шуып йөри торган руль аркасында авариягә очрамас өчен, машинада климат-контроль системасын сүндермәгез дип киңәш итә.