Кыш көне аяк таймасын өчен нишләргә?
Иске автомобиль покрышкасын бераз эретеп, аяк киеме табанына сыларга кирәк.
Кышкы юлда аяк киеме таеп китмәсен өчен бер ысулны «Челнинские известия» хәбәр итте.
Моның өчен автомобильдән алынган иске покрышка, металл көрәкчек һәм ут ялкыны кирәк. Покрышканы утка якын китереп, бераз эретегез. Барлыкка килгән ябышкак массаны металл көрәкчек белән кырып алыгыз һәм кышкы аяк киеме табанына юка гына итеп сылагыз. Аннары шушы масса бераз каткач, шкурка белән ышкып җибәрегез, диелә бу хәбәрдә.
