Кыш ахырына кадәр һава торышы нинди булачак?

Кыш ахыры Россиянең күпчелек өлешендә яшәүчеләр өчен чын-чынлап язгы булырга мөмкин, дип яза Российская газета Россия гидрометеорология һәм әйләнә-тирә мохитне күзәтү идарәсе башлыгы Дмитрий Киктевка сылтама белән. 

Илнең үзәк өлешендә, ягъни бездә, нормадан дүрт-биш градуска югарырак температура көтелә. 

Бу атнада исә минус унга кадәр суытачак, ә якшәмбе көнне ул 18 градуска кадәр төшәргә мөмкин. 

Синоптиклар ялларда кар явуын да фаразлый.