Дәүләт автоинспекциясе башлыгы Владимир Черников сүзләренчә, декабрьгә кадәр җәйге резинасын алмаштырмаган машина йөртүчеләргә штраф салмыйлар. Ләкин ул машина йөртүчеләргә транспортны кышкы әзерләргә киңәш итте. Әлеге видео Россия Эчке эшләр министрлыгының рәсми вәкиле Ирина Волк телеграм-каналында чыкты.
Черников сүзләренчә, декабрьдән февральгә кадәр кышкы резина булмаган өчен йөртүчеләрне җәзага тартмыйлар. Ләкин йөртүче машинасын кышка үзе әзерләргә тиеш.
Шулай ук сезонга туры килми торган шиналы машинаны беркем дә эвакуацияләми. Моннан тыш, ябышкаклы шиналарда төрле сезонда йөреп була, диелә «Татар-информ» хәбәрендә.