«Кырлай» паркында аттракцион ватылгач, кешеләр башлары белән аска таба эленеп калган
Карусель 40 метр биеклектә бер минут эчендә тугыз тапкыр әйләнеш ясый.
Казандагы «Кырлай» паркында «Бустер» дигән аттракцион ватылган. Кабина 40 метр чамасы биеклектә эленеп калган. Кешеләр башлары белән аска таба эленеп калган. Бу турыда «Татарстан 24» телеканалы хәбәр итте.
Аттракцион 40 минут чамасы тукталып торган. Һавада эленеп калган кабинадагы кешеләрнең хәле турында әлегә билгеле түгел.
Якынча белешмә буенча, конструкциянең бер механизмы ватылган.
Ул июль башында ачылган булган. Карусель 40 метр биеклектә бер минут эчендә тугыз тапкыр әйләнеш ясый.