Мәскәүдә 3 атна элек югалган 33 яшьлек модель Анжеликаны шәһәр хастаханәләренең берсендә тапканнар. Хатын-кыз авыр хәлдә. Бу хакта «Рен-ТВ» хәбәр итә.
«Краснодар моделен 23 ноябрьдә танышы кыйнаган. Кызның башына сукканнар, ул аңын югалткан», – дип сөйләгән басмага чыганак.
Хастаханәгә китергәч, хатын-кыз табибларга фамилиясен һәм исемен әйтә алган. Анжеликаның туганнары аның кайда икәнлеген 9 декабрьдә генә белгән.
Модельнең баш мие имгәнгән һәм шешкән. Табиблар шулай ук хатын-кызга «баш сөяге-миенең ябык җәрәхәте» диагнозын куйган. Пациентның баш сөяген трепанацияләгәннәр һәм гематомасын алганнар. Хәзерге вакытта Анжелика реанимациядә.
Элегрәк хәбәр ителгәнчә, кызны соңгы тапкыр күршеләре йорттан үзеннән шактый олырак ир-ат белән бергә чыгып барганын күргән.
