«Кыерсыттың да, суккалап та алдың»: Иркә узган елга хисап ясаган
«Аңладым, ныгыдым. Рәхмәт сиңа. Рәхмәт Ходаема! Ни генә булмасын, мин бәхетле», - дип яза җырчы.
Җырчы Иркә узган 2019 елга «хат» язган. Шул хатын ул Инстаграмдагы сәхифәсенә куйды.
«Сау бул, 2019 ел, дуңгыз елы. Минем өчен иң авыр, сынаулы ел булдың син. Шул ук вакытта күп яңалыклар да, үсеш тә алып килдең. Күп әйберләргә күземне ачтың, кыерсыттың да, суккалап та алдың. Кайбер вакытта, арткы якка тибеп, алга барырга өндәргә дә өлгердең.
Мин бу елны, башкаларын онытсам да, онытмам. Син, дуңгыз елы, башкалардан аерылдың шул. Куп еллар буена эзләгән сорауларыма җавап таптым. Аңладым, ныгыдым. Рәхмәт сиңа. Рәхмәт Ходаема! Ни генә булмасын, мин бәхетле.
Алда 2020 ел, Тычкан елы. Мин туган ел, минем ел. Һәрберегезгә рәхмәтле мин. Хөрмәт итүегезгә, тыңлауыгызга, яратуыгыз өчен рәхмәт, тамашачым!!!
Якыннарым! Мин сезне яратам. Гаиләмне яратам. Якын дусларымны яратам. Бәйрәм белән сезне дусларым!», — дип язган Иркә.
Иркәне тамашачысы Яңа ел белән котлаган, аңа уңышлар теләгән. «Сезне яратмыйча булмый», «Яңа еллар белән», «Бәхетле булыгыз», дип язганнар.