Яз җитү белән 1-2 тапкыр булса да кычыткан ашы пешерергә кирәк, дип киңәш итәләр. Яңа гына чыккан кычытканда витаминнар аеруча күп. К, В2, В3 витаминнарына бай булуы белән дә файдалы ул. Кычыткан составында органик кислоталар да бар.
«Шәһри Чаллы» газетасыннан кычыткан ашы рецептын тәкъдим итәбез.
Аш пешерү өчен яшь кычытканны салкын суда яхшылап юарга. Аннары кайнап торган суга салып, берничә минут тотарга. Суын саркыткач, кычытканны вак итеп турарга. Кайнап торган итле шулпага кыздырылган суган белән кишер салып кайнатырга. Аннары телемләп туралган бәрәңге салырга.
Ашка үзегезгә ошаган ярманы салырга була. Умач белән дә тәмле була. Шулпа кайнап чыккач, кычытканны салырга, шулай ук йомырка салырга да мөмкин.
Пешеп җитәр алдыннан башка тәмләткечләр дә кушарга була. Табынга каймак, яшел суган, петрушка яки укроп салып бирергә мөмкин.
Кычыткан ашын итсез дә пешерергә мөмкин. Кайнаган суга кишер белән суганны ак майда кыздырып салырга.