«Кычкырганын бөтен урам ишетте, ярдәмгә килүче булмады». Яшь кызны сөйгән егете үтергән

Новосибирскида 17 яшьлек кызны үтерүче ир-атны 15,5 елга ирегеннән мәхрүм иттеләр. Аны үтерүдә һәм үтерү белән янауда, балигъ булмаган кеше белән җенси мөнәсәбәткә керүдә, җәзалауда гаепле дип таптылар. Бу турыда «Комсомольская правда» хәбәр итте.

Мәрхүмә кыз Хушнуд Хамроев исемле егет белән очрашып йөри, аннары аерылышырга була, ләкин егет кабат кайта, гафу үтенә.

Кызның танышлары сүзләренчә, авыр мөнәсәбәтләрдән туйган кыз, 2022 ел җәендә егет белән аерылышырга тели. Ләкин егет моның белән килешми. Ул корбанын эзәрлекли башлый, үтерү белән яный, кыйный. 26 июльдә егет пычак алып килә һәм сөйгәненә 17 тапкыр кадый.

Әлеге җинаятьне узып баручы машина видеокамерасы төшереп тора. Автомобильчеләр, якындагы йортларда яшәүчеләр яраланган кызның ачыргаланып кычкырганын ишетә, тик ярдәм итәргә килмиләр.

Кызның анасы фаҗигане булдырмый калырга тырышкан. Ул кызын эзәрлекләүче егет турында полициягә берничә тапкыр мөрәҗәгать яза. Ләкин аңа ярдәм итмиләр. Кызын югалткан ана судның соңгы утырышына да килә алмаган.

Хамроев кызның анасына 400 мең сум матди, 2,5 млн сум мораль зыян өчен түләргә тиеш, диелә хәбәрдә.