Вьетнамда яшәүче 35 яшьлек ир-ат башы авыртуга, күзләре сукырая башлауга зарланып, табибларга мөрәҗәгать итә. Тикшергәннән соң, аның башы эчендә ашый торган таякчылар табыла. Бу турыда РЕН ТВ яза.
Ир-ат 5 ай буена авыртудан интегә. Аннары ул табибларга мөрәҗәгать итә. Алар рентген ясый. Снимокта баш эчендә чит предмет булуы ачыклана. Бу – ашый торган таякчылар булып чыга.
Табиблар фикеренчә, таякчылар баш эченә борын куышлыгы аша кергән. Таякчылар һәм травма башта пневмоцефалия китереп чыгара. Бу авыру вакытында баш сөяге эченә һава җыела.
Ир-ат үзе таякчыклар башына ничек кергәнен аңлата алмый. Аннары туганнары серне ача. Нәкъ 5 ай элек бу кеше сугышкан. Сугыш вакытында аның битенә очлы әйбер белән сукканнар.
Ул чакта ир-ат табибларга мөрәҗәгать иткән, ләкин җитди травмалар ачыкланмагач, аны өенә кайтарып җибәргәннәр.
Хәзер табиблар операция ясап, таякчыкларны баштан алганнар. Ир-атны өенә чыгарганнар инде, диелә хәбәрдә.