Бүген төнлә Курск шәһәре ракета һәм дроннар һөҗүменә дучар булды. Оборона министрлыгы 14 дрон һәм 4 ракета бәреп төшерелүен хәбәр итә. Бер ракетаның калдыклары күп катлы йортка төшкән. Губернатор вазифаларын башкаручы Алексей Смирнов әйтүенчә, 13 кеше яраланган, аларның 2се авыр хәлдә. Йорттан 15 кешене коткарганнар, 30 кеше эвакуацияләнгән, дип хәбәр итә МЧС.
«Россия Сегодня» Курск өлкәсе белән чиктә булган Украина хәрби көчләре колоннасы юкка чыгарылуын хәбәр итә.
Бүген төнлә Курск өлкәсенең Белая районына да һөҗүм булган.
Белгород өлкәсенең Шебекино шәһәренә 3 дрон һөҗүм иткән. Нәтиҗәдә бер кеше яраланган.
Воронеж өлкәсенә 16 дрон һөҗүм иткән. Дрон калдыклары административ бинага зыян китергән. 100 кеше утсыз калган.
