Күрше төбәктә яшәүче пенсионер, фатирыннан явыз көчләрне куганда, янгын чыгарган
Удмуртиядә 67 яшьлек хатын-кыз, фатирыннан явыз көчләрне куып маташканда, ялгыш кына янгын чыгарган. Бу хакта Россия Гадәттән тыш хәлләр министрлыгының Удмуртия буенча Баш идарәсе хәбәр итте.
Пенсионер әби начар көчләрне парафин шәм ярдәмендә куган. Ул, шәмне кер юа торган машина өстенә куйган да, икенче бүлмәгә кереп киткән. Янгын чыкканны күргәч, куркып, фатирдан йөгереп чыккан. Күршеләре янгын сүндерүчеләрне чакырткан. Ике квадрат метрда булган янгынны тиз арада сүндергәннәр.