Юл һәлакәте бүген 1.44 сәгатьтә Чувашиянең Комсомол районында А-151 юлында була. Бу турыда Чувашия буенча ЮХИДИ телеграм-каналында хәбәр ителә.
Биредә «Ауди» белән «ВАЗ-2114» бәрелешә.
Якынча белешмә буенча, «Ауди» белән идарә итүче 22 яшьлек егет рульдә килеш йокыга китә, каршы як полосага чыга. «Ауди» «ВАЗ»га бәрелә. «ВАЗ» белән идарә итүче 30 яшьлек ир-ат урында ук һәлак була.
«Ауди» йөртүчесе, аның 33 яшьлек ир-ат пассажиры җитди имгәнә, аларны хастаханәгә илткәннәр.
Урында автоинспекторлар эшли, диелә хәбәрдә.
