Киров өлкәсендә исерек йөртүче идарә иткән «семерка» машинасы укучы балалар төркеме өстенә килеп кергән. Фаҗигадә 14 яшьлек кыз үлгән, 13 яшьлек малай авыр хәлдә хастаханәдә ята. Бу турыда «Комсомольская правда» хәбәр итте.
Фаҗига Пижан районында 31 октябрьдә 20.30 сәгатьтә «Киров – Советск – Яранск» юлында була.
Төбәк буенча ЮХИДИ хәбрә иткәнчә, җиңел машина йөк машинасын уң яктан узарга чыга һәм юл кырыеннан бара. Бу вакытта юл буеннан балалар төркеме килә. Шулай итеп, машина «тизлек белән килгән килеш дүрт бала өстенә килеп керә». Аннары «семерка» үзе белән бер юнәлештә бара торган «Мерседес»ка бәрелә һәм юл кырыена төшеп китә.
«Семерка» йөртүчесен тоткарлаганнар, ул күрсәтмәләр бирә. Якынча белешмә буенча, 28 яшьлек ир-ат исерек килеш рульгә утырган. Аның машина йөртү таныклыгы да юк. Шаһитлар аның авария урыныннан качып китәргә маташуын да әйтә.
Җинаять эше ачылган, тикшерү бара, диелә хәбәрдә.