Киров өлкәсендә җиләк җыючы хатынга һөҗүм иткән аюны эзлиләр. Бу турыда «Комсомольская правда» яза.
Биредә яшәүчеләрне кыргый җәнлекләр белән очрашу ихтималы турында кисәтәләр, чөнки бу урыннар аларның табигый яшәү тирәлеге булып тора.
Җиләк җыйганда аю һөҗүм иткән хатын хәзер хастаханәдә. Табиблар аның муенында тырналган, тәнендә күгәргән урыннар булуын ачыклый, шулай ук корсагында һәм уң аягында яралар була.
Фаҗига 24 июньдә була. Яран районы газетасы белешмәсе буенча, 60 яшьлек хатын-кыз Кече Шалаи авылы тирәсендә җиләк җыя. Шул чакта аңа аю ташлана. Хатынны янындагы ир-ат коткара. Ул машинасына бәрә-бәрә тавыш чыгарып, аюны куркытып җибәрә.
Кешегә һөҗүм иткән аюны эзлиләр. Киров өлкәсенең Әйләнә-тирәлекне саклау министрлыгы белешмәсе буенча, фаҗига урынын тикшергәннәр. Белгечләр фикеренчә, аю кеше килеп чыгуын көтмәгән, шуңа күрә ул үзен саклау өчен һөҗүм иткән.
- Татарстанда аюлар кайда очрый һәм аю күрсәң нишләргә?
