18 ноябрьдә Удмуртиянең Кезский районында 2 нәни бала мәете табылган. Тикшерүчеләр әлеге җинаятьтә балаларның атасы – 29 яшьлек ир-ат катнашы булуын ачыклаган. Җинаять эше ачылган. Россия Тикшерү комитетының Удмуртия буенча Тикшерү идарәсе хәбәр итте.
2 малай үстерүче ир белән хатын аерылышырга җыена.
Тикшерү версиясе буенча, ир хатынына карата начар мөнәсәбәттә булу сәбәпле, 18 ноябрьдә иртән йоклап яткан 3 һәм 7 яшьлек ике баласының йөрәгенә пычак кадый. Балалар һәлак була.
Аннары ир-ат кача, аны полиция хезмәткәрләре урманда таба. Тикшерү эшләре бара, диелә хәбәрдә.
Фото: © https://vk.com/susk18, Удмуртия буенча Тикшерү комитеты