Удмуртиядә авариядә дүрт кеше һәлак булган. Бу һәлакәтне машина видеорегистраторы төшереп торган. «Вести» каналы шул хакта хәбәр итте.
Фаҗига 4 июльдә көндез «Воткинск – Чайковский» юлында була. Видеорегистратор кадрларыннан күренгәнчә, «ГАЗ» машинасы идарәсен югалта. Туры бара торган машина төрле якка боргалана-боргалана бара башлый. Аннары кисәк кенә каршы як полосага чыга.
«ГАЗ» машинасы белән 43 яшьлек ир-ат идарә иткән. «ГАЗ» машинасына каршы яктан килә торган Mitsubishi Dion бәрелә, аның качып котылу җае булмый.
Удмуртия буенча Эчке эшләр министрлыгы белешмәсе буенча, Mitsubishi белән идарә итүче 36 яшьлек йөртүче хатын, аның өч пассажиры үлә. Бу машинадагы 8 яшьлек малайны һәм йөк машинасының йөртүчесен хастаханәгә алып китәләр.
Якынча белешмә буенча, «ГАЗ» йөк машинасын йөртүче ярдәмче юлдан төп юлның каршы якка хәрәкәт итә торган полосасына чыккан һәм Mitsubishi Dion автомобиленә бәрелгән. Бу машина Чайковский шәһәреннән Воткинск ягына бара торган булган. Тикшерү эшләре бара, диелә хәбәрдә.
-800x600.jpeg)