Ульяновск өлкәсендә 1 сентябрьдә мәктәп линейкасыннан соң укучы кыз бала вафат булган. Бу турыда РИА Новости яза.
Фаҗига Октябрьский авылында була. Ярдәм күрсәтсәләр дә, кыз үлә. Бу турыда Тикшерү комитетында хәбәр иткәннәр.
Кыз бала 2012 елда туган. Мәктәп линейкасы вакытында аның хәле киткән. Баланы медицина учреждениесенә илткәннәр. Биредә аңа ярдәм күрсәткәннәр, тик шуңа да карамастан, бала үлгән.
Тикшерү башланган.
Прокуратура белешмәсе буенча, бала инвалид булган, диелә хәбәрдә.
Соңрак РИА Новости хәбәр иткәнчә, баланың кардиостимуляторы туктаган, һәм ул шул сәбәпле вафат булган.