Авариядә имгәнгән Башкортстан кызы хәтерен югалткан. Аның туганнарын эзләп тапканнар. Бу турыда «Башинформ» хәбәр итте.
Юл һәлакәте Вишневка авылына җитәрәк, Мирный авылы белән ике арада була.
Машина йөртүче идарәсен югалткан булуы ихтимал, ул юл кырыена төшеп капланган. Шаһит фаразлаганча, имгәнгән кызның умырткалыгы сынган булуы мөмкин.
Кыз хәтерен югалткан. «Кыз Башкортстаннан үзе генә килә. Фамилиясен дә, исемен дә белми, үзенә ничә яшь икәнен әйтә алмый. Башта Воздвиженкадан дигән иде. Телефоны блокланган. Туганнарын табарга сорый», – дип язган шаһитлар социаль челтәрләрдә.
«Кызның туганнары табылды – Воздвиженкада яшиләр. Әнисенә хәбәр ителде. Тизрәк терелсен», – дип язганнар соңрак социаль челтәрләрдә.