Самара өлкәсендә юл һәлакәтендә 3 кеше үлгән. Алар Уфада яшәүчеләр булган. «Башинформ» хәбәр итте.
Якынча белешмә буенча, 27 майда көндез Сызрань районында М-5 «Урал» юлында «Ford Focus» автомобиле ярымприцеплы «Mercedes» йөк машинасына бәрелә. «Ford Focus» йөртүче – 1994 елда туган ир-ат, пассажирлары – 1946 һәм 1966 елларда туган хатын-кызлар һәлак булган.
Алар барысы да Уфада яшәгән, бер хатын-кыз Уфадагы мәктәптә башлангыч сыйныф укытучысы булган, диелә хәбәрдә.
