Мордовиянең Чамзинский районында коточкыч авариядә хатын-кыз һәм аның дүрт баласы һәлак булган. Бу турыда «Вести» каналы хәбәр итте.
Узып баручы машина видеорегистраторы әлеге фаҗигане төшереп алган. Кадрлардан күренгәнчә, «Лада Ларгус» автомобиле идарәсен югалта һәм йөк машинасына барып бәрелә.
Фаҗига 19 февральдә 16.00 сәгать тирәсендә була. «Лада Ларгус» белән 36 яшьлек хатын идарә итә. Саранск-Сура-Ульяновс юлының 31 нче километрында ул алдагы машинаны узарга чыга. Ләкин берничә секунд узгач машина сул якка борыла һәм ул зур тизлектә барган килеш йөк машинасына бәрелә. Шуннан соң җиңел машина яна башлый.
Авариядә «Лада Ларгус» хуҗасы – 36 яшьлек хатын, аның 6, 10, 11 һәм 13 яшьлек балалары үлә.
Йөк машинасының йөртүчесе имгәнә, аны хастаханәгә илтәләр.
