Идел буе федераль округында моңарчы булмаган су басулар башланды. Кар суы инде 5 төбәктә урамнарны, юлларны һәм күперләрне агызып китә башлады, дип яза «Маш» телеграм-каналы.
Самара өлкәсендә язгы суның аномаль күрсәткече – 239 мм теркәлгән. Соңгы тапкыр мондый күрсәткеч 1933 елда булган. Оренбург өлкәсендә Урал елгасында язгы ташуны үлчәү берәмлеге 950 мм булыр дип фаразлана, бу төбәктә норма – 680 мм. Өлкәдә 80нән артык торак йортны су баскан.
Иң күп карлы кыш аркасында Саратов өлкәсенә дә эләгергә мөмкин. Анда сусаклагыч нормасы 126 проценттан артып китә. Идел бассейнында су запасы тиешле булган чиктән 124 процент күбрәк, дип яза канал.
Иртәгә, 2 апрельдә, Мәскәүдә +22 градус җылы булачак. Казанда 2-3 апрельләрдә +12 градус җылы булыр дип көтелә. Су басу ихтималы көн саен бермә-бер арта дигән сүз.