Башкортстанда 33 яшьлек ир аерылган хатынын үтерүдә гаепләнә. Аның хатынына 25 яшь булган. Бу пар 2019 елда, ягъни 5 ел элек кенә өйләнешкән булган.
Тикшерүчеләр фаразынча, элекке ир белән хатын, аерылышканнан соң, балаларының кем белән калачагы турында килешә алмаган. Моны хәл итәр өчен очрашкач, конфликт кискенләшә, һәм ир-ат хатын-кызны кыйнарга тотына. Хатыны шушы сугулардан соң машинада ук үлә. Ир кеше аерылган хатынының суламый башлавын аңлагач, полициягә шалтырата, аннары, мәетне утырткан килеш, хастаханәгә китә. Юлда аны хокук саклау органнары хезмәткәрләре туктата.
Хатын-кызның район депутаты кызы булуы билгеле. «Сәламәтлеккә аңлы рәвештә авыр зыян китерү, саксызлык аркасында кеше үтерү» маддәсе буенча җинаять эше кузгатылган.