Курортта үлгән туристның эчке органнарын табиблар алып калган
Мисырда ял иткәндә авырып үлгән кешенең мәетен яргач, йөрәге, бавыры, бөерләре булмавын ачыклаганнар.
Бөекбританиядән килеп Хургада шәһәрендә ял иткән 62 яшьлек турист үлгән. Аның мәетен туган иленә кайтарганнар. Тик аның эчке органнарын Мисырда алып калганнар. Бу турыда The Sun басмасына сылтама белән РИА Новости хәбәр итте.
Хамфрис курортында ял вакытында турист күкрәгендә авыртулар булуына зарланган. Аны кунакханә табибы караган. Шуннан соң авыруны Хургадага озатканнар. Анда, аңа антибиотиклар биргәннәр. Берничә көннән бу кеше үлгән.
Туганнары каршы булса да, Мисыр табиблары мәетне ярган. Бу кеше йөрәк өянәгеннән үлгән дип карар чыгарганнар.
Туган иленә алып кайткач, патологоанатом кабат ярган һәм мәетнең йөрәге, бавырының бер өлеше, бөерләре урынында булмавын күргән, диелгән әлеге хәбәрдә.