Чаллыда водолазлар 19 яшьлек егет мәетен судан алып чыккан. Бу турыда Гадәттән тыш хәлләр министрлыгына сылтама белән «Татар-информ» яза.
2005 елда туган егет Кама елгасында батып үлгән. Мәетне кичен 19.40 сәгатьтә тапканнар. Ул ярдан 25 м ераклыкта булган.
Якынча белешмә буенча, егетләр төркеме пирстан сикереп уйный. Ләкин бу урын су коену өчен җиһазландырылмаган. Янында тыю турында аншлаглар да бар. Куркыныч сикерү 19 яшьлек егетнең гомерен өзгән.
