Курай авылында температура 58 градуска кадәр төшкән, урамда кошлар катып үлгән
Соңгы көннәрдә Алтай краенда аномаль салкыннар хөкем сөрә. Федераль Гидрометүзәк «төбәккә һава торышы аномалиясе килде» дип хәбәр итә. Белгечләр «13 декабрьгә кадәр 40 градус суыклар булачак» дип фаразлый. Бу хакта ngs22.ru сайты яза.
Алтай крае башкаласында 112нче лицей янында каргалар агач боткаларына берегеп, катып калган, дип яза «Инцидент Барнаул» телеграм-каналы.
Ә Алтай Республикасында тагын да салкынрак. Курай авылында яшәүчеләр 58 градус салкынга зарланган, температураны күрсәтергә хәтта термометрларда баганалар да җитми. «Наш Алтай» телеграм-каналы язганча, мондый салкында урамда кошлар да катып үлгән.
