Апас районы Урта Балтай авылында яшәүче Рузия Хантимерова кура җиләгеннән как ясау рецепты белән уртаклашты.
Как ясау өчен 1 кг җиләк һәм 150 грамм шикәр комы кирәк була.
Җиләкне чистартып, согы чыксын өчен, сүрән утта 10-15 минут пешерергә. Килеп чыккан массаны блендер белән изәргә, шикәр салырга. Җиләк пюресын болгата-болгата 30-40 минут, ягъни куерганчы пешерергә.
Фото: © Гөлшат Ганиева
Табага җәяргә, өстенә марля капларга һәм кояшта киптерергә.
Рузилә ханым әле, кышын чәйгә салу өчен, кура яфрагына блендер белән вакланган җиләкне (шикәрсез) агызып та киптерә.
Фото: © Гөлшат Ганиева
