«Күпме тыңлап та мәңге туйдырмас җыр» – Илнар Сәйфиев «Эрет мине» җырына яңа сулыш биргән
Татар эстрадасында кайчандыр «Талбишек» җыры белән тамашачылар мәхәббәтен яулаган Илнар Сәйфиев шактый озакка югалып торды. Хәзер ул социаль челтәрдәге сәхифәсендә активлашты, шулай ук апрельдә булачак концертына әзерләнә. Яңа җырлар яздыра, элеккеләренә яңа сулыш бирә. Шундыйларның берсе – «Эрет мине» җыры яңартылган форматта музыкаль мәйданчыкларга чыкты.
«Күпме тыңлап та мәңге туйдырмас супер җыр», «Яраткан җырым», «Тыңлыйсы килеп тора торган җыр» дип хуплап алган тамашачы.