Кичә, якшәмбе кичендә, Мәскәүдә күпкатлы йортның 10нчы катында янгын чыга. Фатирда 2 бала һәм аларның әтиләре була. Бу хакта Мәскәү буенча Гадәттән тыш хәлләр министрлыгына сылтама белән Губернiя Daily сайты хәбәр итә.
Ут капкан фатирдан коткаручылар 3 кешене, шул исәптән 4 яшьлек малайны һәм 8 яшьлек кызны алып чыгалар, аларны табибларга тапшыралар. Шулай ук өстәге катта яшәүчеләрне дә табиблар алып китә. Янгын сүндерүчеләр 30 кешене эвакуацияләгән. 25 квадрат метр мәйдандагы янгын сүндерелгән.
«Mash» хәбәр иткәнчә, балалар төтенгә тончыккан һәм «ашыгыч ярдәм» машинасында вафат булган. Аларның 49 яшьлек әтиләре исән калган, ул авыр хәлдә.
Янгынның сәбәпләре янгын-техник экспертизасы нәтиҗәләре буенча билгеле булачак. «Саксызлык белән кеше үтерү» маддәсе буенча җинаять эше ачылган.
Фото: © Россия Гадәттән тыш хәлләр министрлыгы
«Mash» мәгълүматлары буенча, ут Кытайда эшләнгән Яңа ел гирляндасындагы кыска ялганыш аркасында килеп чыккан, шуннан ут тәрәзә пәрдәсенә үрләгән.