Малида автобус күпердән төшеп киткән. Авариядә 31 кеше һәлак булган, 10 кеше имгәнгән. Бу турыда «Вести» каналы хәбәр итте.
Малиның Транспорт һәм инфраструктура министрлыгы бу турыда социаль челтәрләрдә язган. Фаҗига 27 февральдә кич белән Багоэ елгасы аша күпердә була. Әлеге урыннан илкүләм автомагистральнең Ниена һәм Куманту торак пунктларын тоташтыра торган юл уза. Автобус Буркина-Фасога таба бара.
Якынча белешмә буенча, автобус йөртүче идарәсен югалткан булуы ихтимал.
Имгәнгән кешеләргә табиблар ярдәм күрсәтә, диелә хәбәрдә.