Башкортстанның Тәтешле районындагы Беләш авылында яшәүче күп балалы гаиләның йорты, каралты-курасы янып беткән. Бу турыда «Башинформ» хәбәр итте.
Биредә агач өй, сарай һәм «УАЗ» машинасы янган. Ут 200 квадрат метрдан артык мәйданга таралган.
Бәхеткә, кешеләр арасында зыян күрүчеләр юк. Күп балалы гаилә туганнарында яшәп тора.
Янгын сәбәпләре ачыклана, диелә хәбәрдә.
