Кунакханәдә янгын чыккан
Кичке якта янгын башланган вакытта туристларның күбесе бүлмәләренә кайткан булган.
Сочида кичке якта кунакханәдә янгын чыккан. Туристларның күбесе бүлмәдә булган. Алар йокларга әзерләнгән. Бу турыда РЕН ТВ хәбәр итте.
Кунакханәнең бер бүлмәсендә янгын чыга. Өске катларда бикләнеп калган кешеләрне махсус баскычлар ярдәмендә эвакуациялиләр. Өч кеше имгәнгән, алар арасында үсмер бала да бар. Хәзер бу кешеләр хастаханәдә дәвалана.
Янгын хәбәре таралгач, кешеләр төнге күлмәкләрдән, халатлардан гына урамга йөгереп чыга. Кунакханәгә керә торган ишек янында паника башлана. Туристлар дусларын эзли башлый. Янгын сәбәпләрен ачыклау буенча эшләр бара диелгән әлеге хәбәрдә.