Күмерләр ялкынланып китмәсен, шашлык янмасын өчен, шашлык тыгызлап, бер-берсенә якын итеп тезелергә тиеш. Бу турыда «АиФ» яза.
Ит кисәкләре арасына зур аралар калдырсагыз, күмерләргә артык күп кислород үтеп керәчәк. Бу – аларның кабынып китү ихтималын арттыра. Сүндереп азапланырга туры киләчәк, ә ит көячәк..
Сыер итеннән шашлык рецепты
Кирәк була:
- 1,5 кг сыер ите (майсызрак өлеше яхшырак);
- 3 баш суган;
- 100 мл үсемлек мае;
- 2 аш кашыгы натураль йогырт (яки кефир);
- 1 чәй кашыгы кара борыч;
- 1 чәй кашыгы тоз;
- 1 чәй кашыгы паприка;
- берничә лавр яфрагы.
Әзерләү:
- Итне уртача кисәкләргә турагыз.
- Суганны боҗралап турагыз, ит белән бергә зур савытка салыгыз.
- Май, йогырт (кефир), тоз, борыч, паприка кушыгыз. Лавр яфракларын өстәгез.
- Барысын да яхшылап болгатыгыз, савытны каплап, 6-8 сәгатькә, мөмкин булса, төнгә суыткычка куегыз.
- Шампурларга итне һәм суган боҗраларын чиратлап тезегез.
- Уртача кызган күмерләрдә 15-20 минут әйләндереп пешерегез.
Лайфхак
Шампурдагы итнең эче пешеп бетсен, әмма коры булмасын өчен, пешергәндә ит өстенә аз гына минераль су сипкәләп торыгыз. Бу – итне йомшак һәм сусыл итә.
