Кул ничек итеп авыртса, кешедә яман шеш була?

Кулны йөрткәндә авырту булса, кул шешсә, кешедә онкология авыруы булуы ихтимал. Бу турыда табиб һәм телевидение алып баручысы Александр Мясников «Россия 1» каналында сөйләгән. РИА Новости шул хакта язды.

Ул мисалга үзенең бер пациентын китерә. «Аның кулының тирән веналарында тромбоз булган, бу һәрчакта да гадәти түгел, чөнки еш кына бу яман шеш билгесе», — дигән ул.

Мясников сүзләренчә, мондый очракларда башта гомуми практика табибына барырга кирәк. Мөстәкыйль рәвештә белгеч эзләп маташмау хәерле. «Үзе барса, ул неврологка бара, аннары аны травматологка җибәрәләр, шулай дәвам итә», — ди табиб.