Барлык язмалар news_header_top_970_100
news_header_bot_970_100
Язманы тыңлагыз

Кукмарадан инженер Николай Петров: Чиста су проблемасы хәзер авылларда да бар

Күптән түгел Казанда Бөтендөнья татар конгрессы тарафыннан үткәрелгән авыл эшмәкәрләре җыенында гомере буе су белән тәэмин итү өлкәсендә эшләгән, хәзерге вакытта лаеклы ялда булган инженер, Кукмарадан Николай Петров та катнашты. Җыен программасына кергән бер чарада оештыручылар аны эчә торган суның сыйфаты турында чыгыш ясарга өндәде. Николай Ивановичның мөнбәрдән яңгыраган рәсми чыгышыннан өземтәләр "Интертат" укучыларына да файдалы булыр.

news_top_970_100
Кукмарадан инженер Николай Петров: Чиста су проблемасы хәзер авылларда да бар

- Кукмарадан Николай Петров чиста су темасы һәм аңа бәйле проблемалар турында сөйләр. Рәхим итегез! - дип дәште Николай Ивановичны җыен мөнбәренә Бөтендөнья татар конгрессы башкарма комитетының татар эшмәкәрләре белән эшләү бүлеге җитәкчесе Фәрит  Уразаев. 


- Эчкән суның сыйфаты кешенең нәтиҗәле яшәү нигезе булып тора. Соңгы елларда халыкны чиста су белән тәэмин итү мәсьәләсе бик кискенләште, зур игътибар таләп итүче проблемага әйләнде. Бу проблема инде хәзер авылларда да бар. Ул бер-ике елда авылларга да килеп җитәчәк. Шәһәрләрдә инде ул күптән гөрләп чәчәк атып утыра, - дип башлады рәсми чыгышын Николай Петров.  


"Диоксиннар кешелекнең төп үзенчәлеген юк итә"


- Судагы зарарлы матдәләрнең генофонд өчен иң хәтәрләре – диоксиннар. Диоксин матдәләр турында фәнни мәгълүматны химик, академик Лев Александрович Федоров хезмәтләреннән белешә аласыз. Алар барысы да интернетта бар. Диоксин төркеме матдәләре барлык үсемлекләр һәм тереклек ияләре өчен цианид калийдан да мең мәртәбә зәһәр, чикләнмәгән, абсолют агу булып исбатлана. Диоксиннар, бу матдәләр соңгы 40-50 елларда бөтен органик тереклек дөньясы өчен абсолют агу. Концероген-геологик процесслардан таркалмыйча, кеше организмында җыелучы матдә ул. Организм аны эшкәртә алмый һәм организм аркылы ул башка матдәләр белән чыкмый да. Һәм, организмда утырып, тупланып арта гына бара. 


Диоксин агуның бер генә молекуласы организмга керсә дә, зәгыйфь, җитешмәгән балалар туарга, онкология, яман шеш авырулары килеп чыгарга мөмкин генә түгел, ул баш мие эшчәнлеге сыйфатына, интеллект, абстракт уйлау сәләтенә дә тәэсир итә. Кешедә уйлау, анализлау, үзенең кайда барганын, нәрсә эшләгәнен үзенә-үзе җавап бирерлек, үзе өчен үзе җавап бирерлек, нәтиҗә чыгара алырлык сәләтен югалттыра. Кешелекнең төп үзенчәлеген юк итә. 

Соңгы алты-җиде елда бу матдәләр турында ачык матбугатта хәбәрләр бик саран. Аларның ашамлыкларда һәм суда барлыгы темасы сергә әйләнеп бара. Аларның азыктагы һәм эчәр судагы кеше организмына рөхсәтле иң зур микъдары төрле илләрдә төрлечә. Россиядә – 20 пиктограмм, АКШта 00-13 пиктограмм, ягъни бездәгегә караганда 1 538 мәртәбә кимрәк, Япониядә – 0, ягъни бер пикторгамм да рөхсәт ителми, - дип сөйләде инженер.


"Татарстанда берәү дә диоксинны тикшерми"


Николай Петров үз чыгышында диоксинның рөхсәт ителгән күләмен тикшереп билгеләү өчен Казанда лаборатория җиһазлары да, аттестация узган лабораторияләр дә булмавын әйтте. "Шәһәр халкын тәэмин итүче эчәр судагы диоксиннарның микъдары да, концентрациясе дә тикшерелми. Бу Казанда гына түгел, бу Кама буендагы шәһәрләрдә дә юк. Татарстанда андый җиһаз юк һәм берәү дә ул диоксинны тикшерми дә", - диде Бөтендөнья татар конгрессы оештырган чарада чыгыш ясаган делегат.    

- Казан шәһәренең су белән тәэмин итүче гомуми системасы, үзәкләшкән система өчен төп су чыганагы булып бүген Куйбышев сусаклагычы тора. Идел бассейнындагы сәнәгать пычраклары, авыл хуҗалыгында кулланылган агулар, органик һәм минераль ашламалар барысы да соң чиктә суга агып төшә. Һәм без суны шуннан алып эчәбез.

Камада да хәлләр моннан яхшырак түгел. 

Диоксинның барлыкка килү юллары бик күп. Мәсәлән, җәй көне суда зәңгәр-яшел суүсемнәре чәчәк ата. Алар таркалган вакытта фенол бүлеп чыгаралар. Шул фенол су белән бергә су чистартучы станцияләргә керә. Анда аңа дезинфекцияләү өчен хлор өстиләр һәм шулай диоксин барлыкка килә. 


Шуңа да иртәгә яисә бүген нинди авырулар килеп чыгасын берәү дә әйтә алмый. Шәһәр халкы өчен бу бик хәтәр хәл, - дип искәртте Николай Петров. 

Комментарийлар (0)
Калган символлар:
news_right_column_1_240_400
news_right_column_2_240_400
news_bot_970_100