6 июньдә төнге унике тулган вакытта Кукмарада янгын чыккан. Биредә Казанцев урамында өйгә ут капкан. Бу турыда район басмасы яза.
23.41 сәгатьтә шаһитлар янгын сүндерүчеләргә шалтыраткан. Коткаручылар урынга килгәндә гараж белән сарай, веранда һәм өй түбәсендә ачык ут була. Өйдәге кешеләр үзләре чыгып өлгергән.
Янгын 256 квадрат метр мәйданга таралган. Ут күрше каралты-кураларга да күчү куркынычы янаган, диелә хәбәрдә.