Кукмара районы егете Украинада махсус хәрби операция вакытында һәлак булган
22 яшьлек Илнур Гайфетдинов, килешү нигезендә, медицина ротасы фельдшеры булып хезмәт иткән.
Кукмара районында туган Илнур Гайфетдинов Украинада махсус хәрби операция барышында һәлак булган. Район хәрби комиссары Альберт Гомәров һәлак булган рядовойның гаиләсенә барган. Бу турыда Кукмара районының «Хезмәт даны» газетасында Эльвира Иванова яза.
«Кукмара районында туган 22 яшьлек Илнур Гайфетдиновның гомере Украина территориясендә махсус хәрби операция вакытында өзелгән. Илнур Гайфетдинов килешү нигезендә медицина ротасы фельдшеры булып хезмәт иткән», диелә бу хәбәрдә.
Район хәрби комиссары Альберт Гомәров һәлак булган рядовойның гаиләсендә булды һәм оборона министры исеменнән аның гаиләсенең кайгысын уртаклашты.
«Хезмәт даны» газетасы редакциясе коллективы мәрхүмнең якыннары һәм туганнарының авыр кайгысын уртаклаша.