Кукмара прокуроры: 50 граммнан да авыррак күтәрмәгән ир-атлар үзләрен ничек Ватанны саклаучы дип атый икән?
Кукмара прокуроры: 50 граммнан да авыррак күтәрмәгән ир-атлар үзләрен ничек Ватанны саклаучы дип атый икән?
Кукмара районы прокуроры Ришат Шакиров инстаграмында Ватанны саклаучыларны котлап пост урнаштырган. Тик ул "чын ир-атларны" гына котлавын әйткән.
"Ватанны саклаучыларны хөрмәт ит, алар гомерләрен синең өчен бирделәр һәм бирәчәкләр. Шунысы кызык, бүгенге көндә 50 граммнан да авыррак күтәрмәгән һәм көчсезләрне якламаган ир-атлар үзләрен Ватанны саклаучы дип ничек атый икән? Кайбер әтиләр балаларын карамыйлар, хәтта кыйныйлар да.
Барлык чын ир-атларны бәйрәм белән, ә калганнарын яхшы һава торышы белән", - дип язган прокурор.
Барлык чын ир-атларны бәйрәм белән, ә калганнарын яхшы һава торышы белән", - дип язган прокурор.
- Ришат Шакиров - Татарстанда иң актив прокурорларның берсе. Аның эшчәнлеге матбугат чараларында еш яктыртылып барыла. Ул Апас районы прокуратурасы бинасы каршына Петр Беренчегә һәйкәл урнаштырды, чит илләрдән кертелгән азык төлек тыелгач, законсыз сатылган 3 венгр казын сатудан алдырып, юкка чыгаруга иреште, аның таләбе буенча АКШта җитештерелгән тавык итен сатучы 1, өлкәннәр өчен контент тәкъдим итүче 136, шартлаткычлар әзерләргә өйрәтүче 19 сайт ябылды. Кукмара районы прокуроры итеп билгеләнгәч, ул прокуратура турындагы мәгълүматны дүрт телдә - татар, рус, удмурт, мари телләрендә тәкъдим итә башлады һәм бина каршына Россия дәүләтенең беренче генерал-прокуроры Павел Ягужинскийга бюст куйдырды, Нюрнберг процессының 70 еллыгына багышланган рәсем конкурсы уздырды.