Куертылган сөт белән алма пюресы рецепты
Алма әче булса, шикәр комын күбрәк салырга кирәк.
Аш-су блогеры Илүзә Хөснетдиновадан алма пюресы рецептын тәкъдим итәбез.
Алма пюресы өчен 2 кг, 1 чокыр су, 300 грамм шикәр комы кирәк булачак.
Алманы чистартырга, турарга, пешерергә. Алма әче булса, шикәр комын күбрәк салырга кирәк. Алманы болгата-болгата 25 минут пешерергә.
Аннары блендер белән изәргә һәм 1 банка (380 грамм) куертылган сөт (сгущенка) салып болгатырга һәм кайнатып чыгарырга.
Әзер алма пюресын стерильләштерелгән банкаларга салырга һәм җылы әйбер белән төреп куярга.⠀
«Күп итеп ясагыз, балалар бик яратачак», — дип язган блогер.
