"Крылатые качели" җырын иҗат иткән композитор вафат
"Крылатые качели" җырын иҗат иткән композитор вафат
Мәскәүдә композитор Евгений Крылатов вафат булган. Бу хакта үзенең Twitter аккаунтында телевидение алып баручысы Андрей Малахов хәбәр итә.
РИА Новости композиторның кызы белән хәбәрләшкән, Мария әтисенең бүген иртәнге 6 сәгать 30 минутта үлгәнен әйткән. Композитор ике яклы пневмониядән интеккән.
Әлегә җирләнү урыны һәм вакыты билгеле түгел.
Евгений Крылатов 1934 елгы. Быел аңа 85 ел тулды.
Аның иң танылган җыры - совет елларында экраннарга чыккан "Приключения Электроника" фильмындагы "Крылатые качели". Тагын бер хиты - "Прекрасное далеко".