«Крокус»ка һөҗүм иткән террористлар наркотик яки психотроп матдәләр йогынтысында булган. Бу хакта ТАСС агентлыгына сылтама белән РБК сайты яза.
ТАСС мәгълүматлары буенча, терактта катнашкан Шамсутдин Фаридуни, Далерджон Мирзоев, Саидакрами Рачабализоды һәм Мухаммадсобир Файзовтан кан анализы алганнар. Һәрберсенең дә анализында психотроп матдә табылган. Бу матдә чынбарлыкны кабул итүне үзгәртә һәм курку хисен баса.
«Дүртесе дә наркотик кабул иткән. Моның нинди наркотик яки психотроп матдә икәнен экспертиза ачыклый», – диелә ТАСС хәбәрендә.