Дмитрий Песков коронавирус белән авыручылар саны кайчан кими башлаячагын әйтте
Президентның матбугат секретаре әйтүенчә, хәзер иң мөһиме кеше гомерен саклап калу, аннан соң икътисадны коткару.
Россиядә коронавирус белән авыручылар саны май уртасына иң югары дәрәҗәгә җитәчәк һәм аннан соң акрынлап кими башлаячак. CNBC телеканалына президент Путинның матбугат секретары Дмитрий Песков шулай дип белдергән дип яза РИА Новости.
"Авыруны йоктыручыларның арта баруы шактый сизелерлек, әмма бу сәламәтлек саклау системасын куркыныч астына куярлык үсеш түгел", - дигән ул.
Песков коронавирусның гомуми проблема һәм аны бергәләп чишәргә кирәклеген әйткән.
Матбугат секретаре әйтүенчә, хәзер иң мөһиме кеше гомерен саклап калу, аннан соң икътисадны коткару.