Креатив Яңа ел: бәйрәм чыршысын ничек бизәргә?

Яңа елга кадәр күп вакыт калмады. Аны чыршы бизәп каршы алу – һәр гаилә өчен күркәм йола. Урман гүзәле чыршы үзенең хуш исе, әкияти сихере белән бәйрәм рухын тагын да арттыра.

Чыршы бизәү - мәҗүсилектән калган йола. Чыршы элекке заманнарда яшәеш символы булып саналган. Борынгылар агачларда үсемлек дөньясының, уңдырышлылыкның рухы яши дип уйлаганнар. Аңа хөрмәт йөзеннән агач ботакларына төрле бүләкләр: алма, груша, чикләвек, йомырка, кәгазьдән ясаган уенчыклар һәм башка әйберләр элгәннәр. Төрле җыр-биюләр оештырганнар, йолалар үтәп, киләчәкне белергә, яхшыртырга тырышканнар.

Күреп торасыз - йола бүген дә яши. Бүген кемдер чын чыршы сатып алса, кайберәүләр үз фантазияләрен эшкә җигеп, гадәти булмаган чыршы ясыйлар.